Суд пристав-влакын федеральный службыштын Марий Элысе виктемжын пашаеҥже-влак профессиональный пайремыштым донор акций дене палемденыт.
Нуно ынде кокымшо ий Вӱрым пуымо республикысе станцийыш шке вӱрышт дене пайлалташ, тидын дене донор вӱрын шапашыжым кугемдаш тӱшкан коштыт да тидым йӱлашке савырен шуктеныт, манаш лиеш.
Поро кумылым ончыктышо тыгай еҥ-влак республикыштына шукырак лийыт гын, эшеат шуко илышым арален кодаш лиеш ыле.
М.ИВАНОВА.