Звенигово район администраций 2021 ий 26 апрельлан Звенигово ола воктеч йоген эртыше Юл серыште шогалтыме Радиацийыш логалше земляк-влаклан шарныктышым олмыкташ палемден.
Нигӧат ӧрдыжеш ынже код манын, администраций районысо калык деч Чернобыль АЭС-ыште лийше катастрофо ден «Маяк» производственный объединенийыште лийше аварий деч кодшым кораҥдаш полшышо земляк да ойыртемынак лӱдыкшӧ подразделений гыч ветеран-шамычын фамилийыштым, лӱмыштым да ачалӱмыштым увертараш йодеш.
Лӱддымылыкым ончыктышо еҥ-влак нерген уверым олмыктымо шарныктышын гранитышкыже гравироватлаш шонат.
Чыла данныйым район администрацийын организационный паша пӧлкашкыже 8 (83645) 7-13-06) номеран телефон дене йыҥгыртен каласаш але adzven@rambler.ru электрон почтышкыжо «Ликвидаторы на ЧАЭС» манын возен колташ лиеш.
М.ИВАНОВА
