Марий Элын Тазалыкым аралыме министерствыжын 5 октябрь эрдене увертарымыж почеш, пытартыш суткаште регионнан больницылаж гыч паремше 65 пациентым мӧҥгӧ колтымо, тыгодымак 65 черлым эмлалташ пыштыме. Тыге, теҥгече эрдене республикнан 10 инфекционный стационарыштыже медик-шамыч чылаже 1066 гражданым у коронавирус инфекций да пневмоний деч эмленыт. Тиде чот гыч 176 пациент неле состоянийыште лийын, 22 черле шодым искусственно вентилироватлыме йӧн дене шӱлен, 450 пациентлан кислород кӱлын.
«Коронавирус: статистика» сайтын 5 октябрьысе днныйже почеш, пытартыш суткаште Российыште COVID-19 дене 19404 граждан инфицироватлалтын, Марий Элыште – 39 еҥ. Тыге, пандемий пагытыште регионыштына у коронавирус инфекций дене чылаже 6344 еҥ черланен, 5109 пациент паремын, 66 черле колен.
Газетнан таҥже-влак, аралыза шкендам да лишыл еҥда-влакым: эпидемий ваштареш виктаралтше темлымаш-шамычым кӱлынак шуктыза!
М.ИВАНОВА
