6-8 апрельыште Йошкар-Оласе «Спартак» ФОК-ышто дзюдо дене Марий Эл Республикын призше верч всероссийский мастерский турнирыште верысе спортсмен-влак мотор кучедалмашым, сай результатым ончыктеныт. Тушко элнан тӱрлӧ кундемже гыч ятыр патыр ўдыр-рвезе чумырген.
Кок кече жапыште чынжымак пеш шокшо таҥасымаш эртыш. Дзюдоист-влак пытартыш ийлаште технически мастар улмышт дене ойыртемалтыт. Ковёрыш мужыр почеш мужыр лекте. Южышт моткоч кўчык жапыште сеҥат, сеҥалтыт. Ты ганат спортсмен-влакын лишыл еҥышт, родо-тукымышт, йолташышт, икманаш, ончышо-шамыч шукынак лийыныт.
Шке нелытанышт-шамыч коклаште кучедалмышт дене Марий Эл гыч И.Дудин (90 кг), Евгений Лебедев (100 кг), Вероника Иванова (52 кг), Валентина Алешина (63 кг) ойыртемалтыныт.
Йошкар-Ола гыч Илья Дудин (тренерже С.Гуляев) финалыште мастерский турнирыште чемпион лийын. Тула область гыч 90 килограмм нелытан соперникшым тудо иппон йєн дене сеҥен, спорт мастер нормативым шуктен. ПФО-н ший призёржо Илья Марий Эл Республикын призше верч кучедалмаште ончышо-влакым чот єрыктарен, куандарен. Залыште улшо-шамыч минут утла тудлан совым кыреныт. Мутат уке, соперникше пеш виян, тале да опытан лийын. Ончыч 20 ияш рвезе тудым сеҥа манын шонымат огыл, но… Илья – ончыкылык ўшаным пуышо спортсмен. Тудо чыла йєным, мастарлыкшым, вийжым кучылтын, манаш лиеш.
Е.Эшкинина.
Снимкыште: И.Дудин тренерже С.Гуляев дене пырля.