Волжский районысо Приволжский посёлкысо «Приволжскагродорстрой» ЗАО шеҥгелнысе мланде кумдыкышто ала-могай зданийым чоҥеныт. Воктенысе площадкымат эрыктыме. Палаш оҥай: тушто ончыкшым мом чоҥат?
М.Петров
Тиде йодышлан Приволжский ола шотан илем администрацийын вуйлатышыже А.Червинский тыге вашештен:
– «Приволжскагродорстрой» ЗАО мланде шеҥгелнысе кумдыкым торг гоч арендыш пуэныт. Тушан складым чоҥаш тӱҥалыт.
Е.ЭШКИНИНА
