Кужэҥер районысо Кокшародо ялыште Османовмытын сурт-печыштым кычалын ошкылмем годым ик пӧрт воктене ӱдырамашын (снимкыште) мландым кыртмен кӱнчымыжым ужым. Лишемым.
— Мом кычалат, тулаче? – мыскара йӧре йодым.
«Шӧртньым» манын вашешта шонышым, но уке…
— Мушкылтыш вӱдым погымо вынемым, — паша кокла гычак шыргыжале.
— Улыс, — воктенысе вынемым вуем дене ончыктышым.
— Вынем кӧргым автомашина камер дене пеҥгыдемдымылан кӧра вӱд мландышке пеш кужун шыҥдаралтеш, а спецмашинам ӱжыктымашна уке. Ынде у вынемыш рожлан вочкым шындаш кутырен келшышна, — умылыдымашем рашемдыш озавате Алевтина Капустина.
Тыге шол, айдеме илышыже мучко ала-мо шотышто пуштылана. Тидыже поснак ялыште шижалтеш: ик оралтым чоҥен шуктет веле, уже весым ачалыман; эше шукерте огыл пакчагӧргым тӱзатышна, чеснок ден шоганым монь лукмо деч вара адакат йыраҥым кӱнчыман; Юмылан тау, йоча-шамычым йол ӱмбаке шогалтышым манын, куштылгын шӱлалтет гына, уныка-влакым ончаш жап шуэш… Теве тыштат ик вынем улмо ӱмбач весе кӱлеш лийын.
Алевтина Ивановнанат шочмо Йывансолаж гыч Кокшародыш марлан толмыжлан — 24 ий. Тиде жапыште Сергей Александрович пелашыж дене сурт-пече коклаште шуко мом ыштеныт, ӱдыр ден эрге йоча-влакымат йол ӱмбаке шогалтеныт. А паша садак огеш катыкем.
— Катыкемын. «Акашевский» сурткайык фабрикыште пашам ыштымемлан кӧра чыве ден ушкалым ашнымым чарнышна, сандене ынде кӱтӱм кӱташ, телылан кургым ямдылаш огеш кӱл. Йӧн уло гынат, пӧрткӧргыш унитаз ден душевой кабиным эше шынден огынал, но умывальник да вургемым мушмо машина дене пайдаланена. Газ уло. Илыш куштылемын, — рашемдыш Алевтина Ивановна.
— Пелашда, эргыда улыт гын, вынемжым молан шке кӱнчеда? – ӱдырамашым чаманышым.
— Пелашем – пашаште. Эргым кевытыш кудале. А пашам тӱҥалме гын, писынрак пытарыме шуэш вет, ялыште ӱдырамаш улмым от ончо, — йӱкынак воштыл колтыш озавате.
Жап шукат ыш эрте, капка ончыко машина кудалын тольо. Тушечын кок пӧръеҥ лекте да, кольмым налын, вынемым кӱнчаш пиже. А мый Османовмытын пӧртышт велыш ошкыльым да шоналтышым: «Ялыште яра шинчаш жап уке, кажне кечын могай-гынат паша лектеш. Теве Капустинмыт ешат таче мушкылтыш вӱдым погымо у вынемым ышта…»
— Мом кычалат, тулаче? – мыскара йӧре йодым.
«Шӧртньым» манын вашешта шонышым, но уке…
— Мушкылтыш вӱдым погымо вынемым, — паша кокла гычак шыргыжале.
— Улыс, — воктенысе вынемым вуем дене ончыктышым.
— Вынем кӧргым автомашина камер дене пеҥгыдемдымылан кӧра вӱд мландышке пеш кужун шыҥдаралтеш, а спецмашинам ӱжыктымашна уке. Ынде у вынемыш рожлан вочкым шындаш кутырен келшышна, — умылыдымашем рашемдыш озавате Алевтина Капустина.
Тыге шол, айдеме илышыже мучко ала-мо шотышто пуштылана. Тидыже поснак ялыште шижалтеш: ик оралтым чоҥен шуктет веле, уже весым ачалыман; эше шукерте огыл пакчагӧргым тӱзатышна, чеснок ден шоганым монь лукмо деч вара адакат йыраҥым кӱнчыман; Юмылан тау, йоча-шамычым йол ӱмбаке шогалтышым манын, куштылгын шӱлалтет гына, уныка-влакым ончаш жап шуэш… Теве тыштат ик вынем улмо ӱмбач весе кӱлеш лийын.
Алевтина Ивановнанат шочмо Йывансолаж гыч Кокшародыш марлан толмыжлан — 24 ий. Тиде жапыште Сергей Александрович пелашыж дене сурт-пече коклаште шуко мом ыштеныт, ӱдыр ден эрге йоча-влакымат йол ӱмбаке шогалтеныт. А паша садак огеш катыкем.
— Катыкемын. «Акашевский» сурткайык фабрикыште пашам ыштымемлан кӧра чыве ден ушкалым ашнымым чарнышна, сандене ынде кӱтӱм кӱташ, телылан кургым ямдылаш огеш кӱл. Йӧн уло гынат, пӧрткӧргыш унитаз ден душевой кабиным эше шынден огынал, но умывальник да вургемым мушмо машина дене пайдаланена. Газ уло. Илыш куштылемын, — рашемдыш Алевтина Ивановна.
— Пелашда, эргыда улыт гын, вынемжым молан шке кӱнчеда? – ӱдырамашым чаманышым.
— Пелашем – пашаште. Эргым кевытыш кудале. А пашам тӱҥалме гын, писынрак пытарыме шуэш вет, ялыште ӱдырамаш улмым от ончо, — йӱкынак воштыл колтыш озавате.
Жап шукат ыш эрте, капка ончыко машина кудалын тольо. Тушечын кок пӧръеҥ лекте да, кольмым налын, вынемым кӱнчаш пиже. А мый Османовмытын пӧртышт велыш ошкыльым да шоналтышым: «Ялыште яра шинчаш жап уке, кажне кечын могай-гынат паша лектеш. Теве Капустинмыт ешат таче мушкылтыш вӱдым погымо у вынемым ышта…»
М.ИВАНОВА
