Икмыняр миллион теҥге оксам модын налаш лийме, тидлан модылтмашке ушнаш кӧнымӧ нерген смс-ым гына колташ кӱлмӧ нерген але икмыняр тӱжем теҥгем модынак налме нерген увер кӧн сото телефонжо уло, очыни, кажныжлан толын. Но шукынжо тиде шоя улмым умылат гын, южышт ӱшанат да пиал шыргыжалын, шонен, мучашдымын куанат.
Йошкар-Олаште илыше 46 ияш ӱдырамаш денат тыгак лийын. Тудлан кугу оксам модын налмыж нерген смс толын. «Пиалан» еҥ смс-ыште ончыктымо номерыш йыҥгыртен. Туштыжо тиде чынак манын пеҥгыдемден ойленыт. Но ешареныт: модылтшо оксам налшашлан 4 тӱжем теҥге комиссийым тӱлаш кӱлеш. Ӱдырамашым тидат чактарен да чояланымым умылаш таратен огыл. Тудо куштымым шуктен да ондалалтын: тылеч вара абонент «йомын». Тыге ӱдырамаш «кугу призше» да шке оксаж деч посна кодын.
Л.Камалетдинова.
