«IВолга» Юл кундем федерал округысо форумын рейтингше почеш Марий Эл – кокымшо верыште.
Тений ты форум кодшо ийысе семынак онлайн йӧн дене эртен. Тушко 14 регион гыч 26 тӱжем утла еҥ ушнен. Республикна гыч 241-ын лийыныт. Ӱдыр-рвезе-влак мероприятийын илышыштыже шкеныштым чолган ончыктеныт, лекцийлаш эреак ушненыт, тӱрлӧ заданийым почешак шуктен шогеныт. Эн чолгаже-влакым 14 октябрьыште самырык тукым полатыш чумыреныт да пӧлекым кучыктеныт.
О.МОШКИНА