УВЕР ЙОГЫН

Марий Элыште 3190 еҥ паша деч посна шинча

Марий Элын Паша да калыклан паша верым ситарыме департаментше республикысе паша рынкын сӱретшым рашемден. 

2017 ийыште регионысо паша верым ситарыме рӱдерлашке 13 422 еҥ пашам кычалын толын. Тидыже 2016 ий деч 0,7 процентлан шукырак. Учётыш 7000 наре еҥым шогалтыме.

Ӱмаште организацийым петырымылан, штатым утыктарымылан кӧра 2620 еҥ паша деч посна кодын, тидыже 2016 ий деч чырыклан шагалрак. Тиде чот гыч 1149 еҥлан пашам мумо, тышечын 436 еҥ шке организацийышкыжак пӧртылын.

2018 ий тӱҥалтышлан республикыштына пашадыме 3190 еҥ учётышто шога, тидыже 2017 ий тыгаяк жап деч 14,4 процентлан шагалрак.

Кызыт пашам пуышо-влак 5500 наре паша верлан йодмашым пуэныт, кодшо ийын – 12,5 процентлан шагалрак.

М.ИВАНОВА.

Опубликовать в Одноклассники

Добавить комментарий