Шукерте огыл Татарстаныште самбо дене Россий кӱкшытан турнир гыч Марий Эл гыч спорт мастерыш кандидат Игорь Петухов (тренерже С.Ялпаев) шке тӱшкаштыже (52 кг) икымше верым сеҥен налын.
Таҥасымаш тӱнямбал кӱкшытан спорт мастер Н.Мадьяровым шарныме лӱмеш лийын. Игорь Марий пединститутын Н.Крупская лӱмеш физвоспитаний факультетшым тунем лектын, но физически формышто лияш манын, спорт дене пеҥгыде кылым куча, ийготым шотыш налде, таҥасымашлаште вийжым терга манын палемда тренерже.
Е.Эшкинина.
