Искусствым вияҥдымашке кугу надырым пыштымыжлан да кӱкшӧ исполнительный мастарлыкшылан Марий Эл Республикын «Яков Эшпай лӱмеш Марий кугыжаныш филармоний» кугыжаныш бюджет автономный тӱвыра учрежденийын «Марий Эл» кугыжаныш куштышо ансамбльын кӱшыл категориян артистке-вокалисткыже (солисткыже) Светлана Владимировна Осиповалан Марий Эл Республикым Вуйлатыше А.Евстифеевын 2018 ий 29 августысо 145-ше №-ан Указше дене «Марий Эл Республикын калык артистше» почётан лӱмым пуымо.
Культурым вияҥдымаште надыр- жылан да ятыр ий тыршен пашам ыштымыжлан «Йошкар-Оласе 2-шо №-ан йоча искусство школ» ешартыш образований муниципал бюджет учрежденийын преподавательже, концертмейстерже Галина Ивановна Ефимовалан Марий Эл Республикым Вуйлатыше А.Евстифеевын 2018 ий 29 августысо 146- шо №-ан Указше дене «Марий Эл Республикысе культурын сулло пашаеҥже» почётан лӱмым пуымо.
Чодыра промышленностьым вияҥдымашке надырым пыштымыжлан да ятыр ий тыршен пашам ыштымыжлан Волжск оласе «Марий целлюлоз-кагаз комбинат» акционер ушемын тӱҥ инженержын оралтым кучымо, капитально ачалыме да зданий ден сооружений-влакым чоҥымо шотышто алмаштышыже Юрий Васильевич Казаковлан Марий Эл Республикым Вуйлатыше А.Евстифеевын 2018 ий 29 августысо 147-ше №-ан Указше дене «Марий Эл Рес- публикын чодыра промышлен- ностьшын заслуженный пашаеҥже» почётан лӱмым пуымо.
Л.Камалетдинова.
