АКЦИЙ КОНКУРСЫ

Марий тумылан йӱклена!

«Идалыкын Российысе пушеҥгыже» всероссийский онлайн-йӱклымаш конкурс кызыт интернетыште вийым налын.

Тудым «Здоровый лес» НПСА увертарен. 1 октябрь марте шуйнышо конкурсын тӱҥ шонымашыже – кугу ийготан пушеҥге-влакым арален кодаш. Варажым сеҥышыш лекше кушкылжо «Идалыкын Европысо пушеҥгыже» тунямбал конкурсышто участвоватлаш тӱҥалеш. Каласен кодыман: Российысе пушеҥге-влак тушто 2018, 2019, 2020 ийлаште сеҥшыш лектыныт.

Тенийысе Российысе конкурсыштыжо 12 номинант кокла гыч Марий Эл гычат участник уло, тиде — «Марий чодра» национальный паркыште кушшо «Пугачевын тумыжо» — черешчатый тумо. Древесный экспертизе рӱдерын данныйже почеш, тудлан — 413 ий, кӱкшытшӧ — 31 метр, биомассын кугытшо 18,8 кубический метр. Ты рӱдер марий тумым 2013 ийыште шымлен. Ты ийынак тудым торжественно почмаш эртен.

Преданий почеш, 1774 ийыште тудын воктеке Емельян Пугачевын отрядше Озаҥ гыч толшыла йӱдлан канаш шогалын улмаш. 1974 ийыште Пугачев восстаний лиймылан 200 ий темме лӱмеш тумо воктеке шарнымаш кӱм пыштеныт.

Марий тумо йӱклымаште ик эн ончылно шога. Айста тудым эше ик гана элна мучко чапландараш полшена да й¢клымашке ушнена.

С.НОСОВА

Снимкылаште: «Пугачёвын тумыжо»; воктекыже пыштыме шарнымаш кӱ.

Опубликовать в Одноклассники

Добавить комментарий