МАРИЙ ЙӰЛА

Марий вуйчиемым чапландарат

«Марий тӱр рӱдер» тенийсе идалыкым «Марий вуйчиемын идалыкше» семын увертарен.

Тидым ышташ теве мо таратен. Жап эртыме семын вуйчиемым ыштыше мастар-влакат шагалемыт. А марий вургем коклаште вуйчием эре посна верым налын. Тудо тӱрлӧ лийын, илышыште тӱрло амал дене вуйым петыреныт. Эшежым южыжым чийыме годым посна йӱламат шуктеныт, вет вуй — айдемын ик эн тӱҥ ужашыже, тудым аралаш кӱлеш. Акрет марий-влак тидым эре шотыш налыныт.

Санденак рӱдер пашаеҥ-влак тений ты шотышто икмыняр акцийым, семинарым, ончерым да моло мероприятийым эртараш палемденыт. Марий вуйчиемым арален кодымо идалыкыш нуно молымат чолган ушнаш ӱжыт. Тидын нерген рӱдерын интернетысе лаштыкше увертара.

 С.Носова

 Снимкыште: рӱдер вуйлатыше, тӱрызӧ Ираида Степанова да Надежда Васильева-Моисеева.

 Фотом рӱдерын соцкылысе лаштыкше гыч налме.  

Опубликовать в Одноклассники

Добавить комментарий