КУЧЕМ УВЕР

Кыл келшыше лийшаш

Марий Эл Республик вуйлатыше Александр Евстифеев  кугыжаныш национальный политикын концепцийжым илышыш пуртымо шотышто правительственный комиссийын заседанийжым эртарен. 

Республикыште 2025 ий марте жаплан РФ кугыжаныш национальный политике стратегийын тений илышыш пуртышаш мероприятий-влак планже  нерген тӱвыра, печать да калык-влакын пашашт шотышто министрын алмаштышыже Галина Ширяева каласкален. Кугыжаныш программым тений илышыш пуртымо план дене келшышын, республикын правительствыже коммерческий огыл 6 организацийын 8 проектшым сайлан шотлен. Нунын акышт – 578 тӱжем теҥге. Тыгак тӱвыра министерствын Марий Эл республикын кугыжаныш йылмыже-влакын могай улмыштым да нуным вияҥдыме шотышто мониторингым эреак эртарымыжым палемденыт. Палдарыме почеш, 2017-2018 тунемме ийла тӱҥалтышлан марий йылмым 86 школышто шочмо огыл йылме програмым илышыш пуртен туныктат. 170 общеобразовательный организацийыште марий (кугыжаныш) йылмым тунемыт, 78 школышто – ИКН предмет дене интегрирований йӧн полшымо дене. Марий йылмым шочмо йылме семын 8000 утла йоча тунемеш, кугыжаныш йылме семын – 40000 наре икшыве. Тыгак мигрант-влаклан социальный да культурный адаптацийыштлан йӧным ыштышашлан коммерческий огыл организаций-влаклан, тышкак национально-культурный автономий, религиозный организаций, самырык-влакын ушемышт пурат, окса полыш пуалтмым палемденыт. 2017 ийыште, мутлан, тыгай мероприятий-влак эртеныт: йот элла гыч студент-влак дене пырля «Лингватерритория» йылме-влак фестиваль; «Тӱнялан шӱметым поч!» национальный тӱвыра икымше йӱд фестиваль; «Келшымаш кӱвар» регион-влак кокласе V национальный тӱвыра фестиваль; «Пеледыш пайрем» (тушко марий, руш, татар, чуваш, удмурт, армян, осетин, азербайджан калык-влакын еҥышт ушненыт) да икмыняр моло пайрем.

Заседаний мучаште участник-влак тиде правительственный комиссийын 2018 ийлан паша планжым ончен лектыныт.

Вашлиймаште Александр Евстифеев республикын кугыжаныш кучем, верысе самоуправлений органже-влакын, калык-влак кокласе йодыш-шамычлан да конфессий-влакын келшен пашам ыштымыштлан, религиозный объединений-влакын йодышышт шотышто комиссий ден ушем-влакын пашаштым писемден колтымылан, межэтнический конфликт профилактике шотышто мер организаций да самырык-влак дене кылым ыштымылан  тӱткышым ойыраш кӱлмым палемден.

Л.Камалетдинова.  

Опубликовать в Одноклассники

Добавить комментарий