Шукерте огыл Волжский ден Звенигово районлаште шордын кугорныш лекмыжлан кӧра кок происшествий лийын.
Сандене Марий Элын Пӱртус поянлык, экологий да йырым-йырысе средам аралыме шотышто министерствыжын специалистше-влак водитель-шамыч деч кудалмышт годым тӱткырак лияш йодыт. Шордын кугорныш лекме амалже семын кошташ тӱҥалме пагытым ончыктат. Але нуным чодыраште поҥго ден емыжым погышо-влак лӱдыктат. Поснак тыгай сӱретше Кокшайск, Оршанке трактлаште лиедат.
С.НОСОВА
