СПОРТ

Куандарат, ойыртемалтыт

26-27 февральыште Россий студент спорт ушемын куштылго атлетике дене леведыш йымалне эртаралтше чемпионатыштыже (тудыжо Ярославльысе манежыште лийын), Марий Элын чапшым ПГТУ-н студентше-влак араленыт, сай результатым ончыктеныт. Поснак землячкына Айвика Малановам (кызыт Санкт-Петербургышто тунемеш) палемдыман, 400 метрыште 3-шо верым налын.

Тылеч ончыч Йошкар-Оласе олимпийский резерв училищын воспитанникше, куштылго атлет Е.Валова ший медальым сеҥен налын. Таҥасымаш Ульяновскысо «Спартак» манежыште олимпийский чемпион В.Крыловын призше верч лийын.

Ӱдыр двоеборьеште (60 метрыш куржталмаш, кӱкшытыш тӧрштылмаш) кокымшо верыш лектын. Эше ик ӱдыр, Татьяна Соловьёва, 60 да 400 метрыште, шотлен лукмеке, очком поген, визымше верым налын. Кандаш тале спортсмен коклаш Евгений Петухов ден Дмитрий Соколов логалыныт.

Куштылго атлетике дене СШОР-ын директоржо А.Гребневын палемдымыж почеш, ты турнирыште Юл кундем федерал округысо эн тале самырык спортсмен-влак вийыштым тергеныт. 

Е.Эшкинина

Опубликовать в Одноклассники

Добавить комментарий