Роспотребнадзорын Марий Элысе виктемышкыже регионысо шинчымашым пуымо икмыняр тӧнежым вуйлатыше деч увер пурен: телефон дене пӧръеҥ йыҥгыртен, шкенжым Роспотребнадзорын пашаеҥже семын палдарен да тиде кечын воспитанник ден тунемше-влакым кузе пукшымым тергаш толмо нерген увертарен, а контроль да надзор мероприятий «сайынрак» эртыже манын, пуйто кондитер сату ден алкоголян напиткым налын, сандене нунын акыштым банк картыш пӧртылташ йодын.
Шотыш налза: Роспотребнадзорын Марий Элысе виктемжын специалистше-влак нимогай пӧлекым огыт нал да банкетыште участвоватлаш огыт келше, а кочмыверым мойн тергаш толмо нерген закон дене палемдыме порядке почеш уведомленийым возен колтат.
Ида ондалалт! Санитарный врач лӱм дене мошенникын мутланымыжым шижыда гын, уверым лучо Роспотребнадзорын Марий Элысе виктемыштыже 8 (8362) 68-19-44 («шокшо линий») але 68-19-97 (вуйлатышын приёмныйжо) телефон дене рашемдыза.
Ондалкалыме нерген чыла фактым элкӧргӧ паша органыш увертарыза.
М.ИВАНОВА
