Йӱшывуя велосипед дене кудалыштше еҥым мут кучаш шогалтен кертыт мо?
Н.Филимонов
Кужэҥер район.
Йодышлан Медведево районысо прокурорын полышкалышыже С.Г.Захарова вашештен:
— Йӱшывуя транспорт средствым виктарыше-влакым РФ Административный правам пудыртымаш нерген кодекс дене келшышын мут кучаш шогалтат. Тудын 12.1 статьяштыже ончыкталтын: транспорт средствыжлан корно движений лӱдыкшыдымылык шотышто законодательстве дене келшышын, автотранспорт, моло транспорт средствым виктараш лӱмын посна права пуалтеш.
Велосипед дене кудалышташ посна права огеш кӱл, сандене административный правам пудыртымаш нерген кодекс почеш тудо транспопрт средствылан ок шотлалт. Сандене подылшо еҥ тудым виктарен кертеш. Но тидын годым тудо корно правилым пудырта гын, административно мут кучаш шогалтат. Штрафын кугытшо 800 теҥгеш шуэш. Эшежым правилым пудыртымыж годым тудо йӱшӧ лийын гын, штраф эшеат куграк лиеш, 1000 гыч 1500 теҥге марте.
С.НОСОВА ямдылен
