Марий Элыште Социальный вияҥмаш министерствын эн сай логотипшылан конкурсым увертарыме.
Тушто Калыкым социально аралыме тӧнеж, социальный пашам шуктышо коммерческий огыл организаций ден нунын пашаеҥышт, нине тӧнеж да организаций деч социальный полышым налше еҥ, тыгак Социальный вияҥмаш министерствын пашаеҥже-влак участвоватлен кертыт.
Конкурс 1 март гыч 30 апрель марте кая. Йодмашым 1 март гыч 22 апрель йотке пуаш лиеш. Конкурсышто участвоватлыме нерген йодмаш дене пырля логотипын эскизшым да тудым умылтарыше запискым пуыман.
Логотипын эн сай проектше министерствын официальный эмблемыже лиеш.
М.ИВАНОВА.
