УВЕР ЙОГЫН

Канышлан келшен толеш

Июль мучаште Марий Элын Пӱртус Экологий лӱдыкшыдымылык, пӱртӱс поянлык да калыкым аралыме шотышто департаментын специалистше-влак Козьмодемьянск- Коротнии-Рутка эҥер маршрут дене тоштер экспедицийым эртареныт.

Тудо Рутка эҥер воктенысе кумдыкын кызыт могай улмыжым терген лекме да турист маршрутым тӧрлатыме амал дене кылдалтын. Специалист-влак тушто ирсӧсна ден шордын илымыштымат рашемденыт. Шке эҥержат палынак нӧлталалтын да толкынжат писештын. Тидлан кӧра эҥер сер мушкылтеш. Южо вере эше Юрский пагытыштак ышталтше пелганде тӱсан шун лончын да тыгак сероводородын тӱжваке лекме сӱретым палемденыт. Эҥерысе вӱдыштӧ кӱртньӧ вещества шуко, тидыже йӱштылшӧ-влакын тазалыкыштым пенгыдемаш полшышаш. Эҥер утларакше чодыра кӧргышто йога, сандене тушко мияш корно шагал. Тидыжат канаш мийыше-влакын кумылыштым савырышаш.

С.Носова.

Пӱртус нерген — йӱкын

Экологий идалык дене кылден, Российын Пӱртӱс поянлык министерствыже   В.М.Песков лӱмеш «В гармонии с природой» экологий журналистике конкурсым увертарен.

Тудо 1 ноябрь марте шуйна. Икмыняр номинаций темлалтеш: «Кумылым савырыше моторлык», «Палыдыме Россий», «Изирак шольына-влак», «Экологий проблеме-влак», «Оласе пӱртӱс», «Российысе ужар технологий-влак» да «Эко-туристын корныж дене». Кажне номинацийыште сеҥыше-влак палемдалтыт (текст, фото, видео). Конкурсыш тений 1 январь гыч 31 октябрь марте лекше материал-влакым колтыман. Эн сай журналист, фотограф, видеооператор-влак палемдалтыт. Сеҥыше-влакым 12-14 декабрьыште «Крокус Экспо» тӱнямбал ончер рӱдерыште эртышашлык  йырым-йырысе средам арлалыме шотышто V всероссийского погын годым палемдаш тӱҥалыт. Конкурсын положенийже дене лишкырак министерствын сайтыштыже палыме лийын кертыда.

С.Носова.

 

Опубликовать в Одноклассники

Добавить комментарий