КУЛЬТУР ДА ИСКУССТВО

«Канде тулын юзо вийже – МОСГАЗ шӱдыр-влакым чӱкта»

Тыгай фестиваль талантан самырык-влаклан 15 августышто Москошто тӱҥалын. 

Тушко Российын ятыр регионжо да икмыняр йот эл гыч самырык сӱретче ден музыкант-влакым иквереш уша. Ончычсо ийлаште ты фестивальыште Германий, Румыний, Беларусь, Молдавий гыч участник-влак лауреат да дипломант лийыныт.

Россий Президент Владимир Путинын указше почеш историй дене кылдалтше шарнымашым аралаш да Кугу Отечественный сарыште сеҥымылан 2020 ийым Шарнымаш да Чап идалык семын увертарыме. Тиде указым шотыш налын, кандашымше гана эртаралтше музыкальный конкурс «Патриотизм шӱлышан муро» теме дене эрта, а мастарлыкым ончыктымо ик номинацийже «Курымашлык тул – Курымаш шарнымаш» маналтеш.

Мероприятийыш талантан йоча, творческий коллектив-влак, общеобразовательный, художественный, музыкальный школ, студий, кружок, колледж, лицей, ешартыш шинчымашым пуышо учреждений-влак, кыдалаш шинчымашым налше студент-шамыч (7 гыч 18 ияш марте) ушнен кертыт.      

 

А.БАЙКОВА

Опубликовать в Одноклассники

Добавить комментарий