8 июль – Еш, йӧратымаш да икте-весылан ӱшанле улмо кече.
Тӱня мучко коронавирус инфекций шарлымылан кӧра тений тудо молгунамсе семын тӱшка калыкым чумырен огыл, а тӱҥ шотышто онлайн йӧн дене эрта.
Мутлан, У Торъял районысо Крешын Руй тӱвыра пӧрт тиде кече вашеш «Йӧратымаш вуйшӱдыш» онлайн-фотосессий конкурсым увертарен. Тидлан висвис гыч вуйшӱдышым шке кид дене ыштыман, фотографироватлалтман да снимкым колтыман.
Л.КАМАЛЕТДИНОВА
