ЮРИСТ УМЫЛТАРА

Йочасадыште йӱштӧ…

Закон почеш йочасадыште шыжым, телым, шошым могай температур лийшаш?

 О.Николаева

Советский район.

Йодышлан Медведево районысо прокурорын полышкалышыже Д.Михеев вашештен:

 — Школ деч ончычсо образовательный учрежденийлаште температур режим могай лийшашым СанПиН палемден. Тушто ончыкталтын: модмо ясле ячейкыласе  группылаште, приемныйыштыжо Цельсий почеш 22 градус деч йӱштырак температур лийшаш огыл: изи, кыдалаш, кугурак группыласе ячейкылаште  — 21; чыла группысо ячейкын малыме пӧлемлаштыже — 19; ясле группын туалетыштыже — 22; школ деч ончычсо группысо туалетыште — 19; медицине назначениян пӧлемыште — 22, музыкальный ден гимнастический заллаште  — 19; прогулкылык верандыште — 12; бассейнан залыште — 29; бассейнын душысо вургем кудашме пӧлемыштыже — 25: ик оралте гыч весыш куснымо ырыкталтше переходлаште — 15.

Тыгак  СанПиН почеш, йоча-влак кажне кечын 3-4 шагат уремыште лийшаш улыт. Тиде жапшым образовательный организаций, игечым ончен, шке палемда. 15 градус деч йӱштырак да 7 м/с деч утларак мардеж пуымо годым уремыште лийме жапым кӱчыкемдыман. Температур режимым йочасадлаште Роспотребнадзор управленийын специалистше-влак тергат.

 С.НОСОВА

Опубликовать в Одноклассники

Добавить комментарий