11-17 ноябрьыште Ижевскыште эртыше II Тӱнямбал Парадельфийский модмаште – инвалидностян еҥ-влакын искусствышто кӱшыл сеҥымаш кумдыкышто инклюзивный манме таҥасымаште – Марий Элын 16 еҥан делегацийже участвоватла.
Модмашым Президент грант-влак фондын, РФ Культур министерствын, элысе да тӱнямбалсе инвалид-влакын мер организацийлаштын полшымышт дене Российын Национальный Парадельфийский комитетше эртара.
Сокыр, соҥгыра, эҥертыме-тарванылме аппаратыште да тазалыкыште моло экшык улман еҥ-влак изобразительный да театр, музык да аудиовизуальный, цирк искусствышто, сылнымут шомакыште, хореографийыште, оригинальный жанрыште, тыгак масс-медиаште моштымашышт ден усталыкыштым ончыктат.
Таҥасымаш-влак искусствын кандаш видше дене 29 номинацийыште 12 площадкыште эртат.
Парадельфийский модмашке Российысе 52 регион да тӱнямбалсе 21 эл гыч инвалид-шамыч толыныт.
М.ИВАНОВА.
