Суворов дзюдо
СПОРТ

Илыш-корнышто ўшанлын шогаш

2017 ий 7 октябрьыште Совет Ушем Герой Сергей Романович Суворовын шочмыжлан 95 ий темеш.

Сергей шке вер-шӧржым, шочмо калыкшым йӧратен. Сандене тынысле  профессийым (туныктышо) ойырен налын. 1940 ийыште Марий Пыламарий селаште педагогический училищым тунем лекмек, Кугу Пумарий школышто туныкташ тӱҥалын. Но шуко жап ыштен шуктен огыл. 1941 ийыште Кугу Вочарма ял гыч фронтыш 45 еҥ каен. Нунын коклаште Сергей Сувороват лийын.

Чаманен каласыман, Сергей Романович, тушман деч элнам аралышыла,  моткоч самырык илыш дене чеверласен. Землякыштын подвигшым аклен, шарнен, Марий Турек районысо Сысоево школышто кажне ийын дзюдо дене Сергей Суворов лўмеш турнирым эртарат.

Шукерте огыл межрегиональный черетан турнирыште 100 утла самырык дзюдоист вийым терген. Участник-шамыч пошкудо область гычат лийыныт.

Участник, уна-влакым районысо администраций пашаеҥ-влак шокшын саламленыт.

Мероприятий школысо актовый залыште тў‰алын. Школ директор  Ю.Зайцев ты общеобразовательный учрежденийыште ўдыр-рвезе-влакын тунеммышт, нунын пашашт, могай мероприятий, та‰асымаш-влак эртаралтме нерген каласкален. Уна-влакым Совет Ушем Герой С.Суворов, тудын илыш-корныж денат изиш палдареныт. Тиде турнирын организаторжо, Марий Элын заслуженный тренерже В.Романов Марий Турек районышто спортын ты видше вия‰ме, тудын историйже нерген каласкален. А результат, чынжымак, уло. Сысоево школын выпускникше Анастасия Блинова Йошкар-Оласе Олимпийский резерв училищыште тунемын да дзюдо дене спорт мастер нормативым шуктен. Шуко выпускник МВД структурышто, ОМОН-ышто, ФСБ-ыште пашам ыштат.

Спорт мероприятий годым ты школынак выпускникше, Кстовышто Юл кундем федеральный округышто эртыше та‰асымашын чемпионжо Борис Смирновлан Марий Эл дзюдо федерацийын председательже В.Душев спорт мастерыш кандидат нормативым шуктымо нерген документым кучыктен.

Турнир деч ончыч участник да уна-влак С.Суворовын бюстшо воктеке пеледыш аршашым пыштеныт да ик минут шып шогеныт.

– Тений тыгай сынан та‰асымаш 15-ше гана лие. Турнир эреак пеш сай кӱкшытыштӧ да поро шӱлыш дене эрта. Сайын вашлийына, шокшо кочкыш дене сийлена. Сандене тышке уло кумылын Киров, Нижегородский областьла гыч толыт. Татамиште, чынжымак, ончыкылык патыр-влак мастарлыкыштым ончыктат, – ойла турнирын организаторжо В.Романов. –  

Ялысе икшыве-влак илыш деч почеш кодшаш огытыл. Вет нуно тазалык да вий-куат дене эреак ойыртемалтыныт да, ончыкшымат тидым пеҥгыдемдаш манын, дзюдо секцийым вияҥдена. Мутлан, ноябрь тылзыште Хлебниково школышто дзюдо дене секцийым почмо. Тушто шке кўшеш татамим, чияш кимоном налыныт. Тыге икшыве-влак лӱддымӧ, корныштышт шоя деч чыным ойыраш тунемше, элнан ончыкылык патриотшо лийын кушкышт манын ышталтеш.

Спорт дене кылым кучышо физически веле огыл, морально да духовно пеҥгыде лиеш. Шукышт кумылын салтак радамыш шогалыт. Шке элыштым, шочмо кундемыштым йӧратен кушкыт. Тугеже элнан ӱшанле эргыже лийыт.

Тиде кугу турнирым эртарен колташ полшымыштлан «Единый Россий» партийлан, ИП А.А.Изергинлан («Газбыттехника»), «Марий Эл Дорстрой» ОАО-н вуйлатышыже М.Ф.Хабибулинлан, «Акпарс» агрофирмым вуйлатыше Г.С.Ахатовлан, ИП А.С.Смирновлан («Мир ТВ техника»), да моло-влаклан кугу таум ыштат.

 

Турнирын организаторжо В.П.Романов ты школышто 27 ий тренер-преподавательлан тырша. Шкежат тале спортсмен, дзюдоист лийын. 2006 ийыште Всероссийский мастерский турнирыште (Оза‰ ола) дзюдо дене спорт мастер нормативым шуктен. Таче кечылан Василий Петрович – Россий физический культурын да спортын отличникше, пашан ветеранже. Спортын моло видше денат пе‰гыде кылым кучен. «Сильному роду – нет переводу» еш команде-влак коклаште ик гана веле огыл участвоватлен, кок гана еш дене кумшо верым налыныт. Сандене воспитанникше-влаклан – моткоч сай пример. Василий Петрович кажныжын койыш-шоктышыжым шотыш налын пашам ышта. Секцийыш коштшо-влакым куандарашат ок мондо. Кўлеш гын, гитар денат шокталтен колта.  

С.Суворов лўмеш турнирым кажне ийын эртарат.

Тылеч посна кажне ийын декабрьыште (14 гана лийын) Марий Турекыште дзюдо дене тўнямбал кўкшытан судья В.И.Силин лўмеш (Японийыште переводчик) дзюдо денак турнирым эртарат.

Тале, шокшо, мотор кучедалмаште кажне тўшкаште се‰ыше ден призёрым палемденыт. 2007-2008 ийлаште шочшо участник-влак коклаште А.Алмадатов (26 кг, Йошкар-Ола, «Лидер» спорт клуб), Т.Тухватуллин (30 кг, УОР), Р.Колобков (34 кг, «Лидер» спорт клуб), Д.Айгишев (34 кг, Марий Турек район) ойыртемалтыныт.

Йошкар-Ола гыч Илья Ямщиков (Йошкар-Ола) турнирыште эн сай техникым ончыктен. «За волю к победе» номинацийыште Тимирлан Файзрахманов (Марий Турек) палемдалтын. Эн сай спортсмен Сысоево гыч Данил Коржавин лийын.

2008-2009 ийлаште шочшо ўдыр-влак коклаште Дарья Бусыгина (Хлебниково) се‰ышыш лектын. 2003-2004 ийлаште шочшо изи мотор-спортсмен-шамыч коклаште Е.Еноктаева (32 кг., Сысоево), С.Одинцова (36 кг., Йошкар-Ола), А.Жеребцова (48 кг, Сысоево) ойыртемалтыныт.

Команде-влак коклаште икымше верым Марий Турек район налын (9 шєртньє медаль), кокымшым – Йошкар-Ола гыч «Лидер» команде (5 шєртньє), кумшо верым – Йошкар-Ола гыч «Панда» спорт клуб (3 шєртньє медаль).

Спортын ты видшылан самырык тукым эреак кумылаҥеш. Тугеже виян, тале-влак огыт йом.

Е.Эшкинина.

Снимкылаште: В.Романов – тренировко деч вара;

 

Икымше, кокымшо – мемнан-влак

26 мартыште Марий Эл гыч ечызе-влак XXXVII «Шижма» марафонышто вийыштым тергеныт. Ты марафон Российын первенствыж дене кылдалтын.

25 километрыште икымше верым Ярослав Егошин, кокымшым Григорий Полушин налыныт. Кандашымше верыште – землячкына Кирилл Рыбаков.

Опубликовать в Одноклассники