УВЕР ЙОГЫН

Икымше сеҥымаш – ик шӧртньӧ да кок ший медаль!

Республикыштына илыше веле огыл, пӱтынь Россий калык Йошкар-Олаште эртыше Инвалид-влакын III всероссийский кеҥеж спартакиадыштым эскера. Теҥгече спортсмен-влак иймаште вийыштым тергеныт. Тиде таҥасымаште  Марий Элын командыж гыч Ким Румянцев личный рекордым шынден. Тудо 200 метр кужытым 2 минутат 11 секунд утла ийын да шӧртньӧ медальым сеҥен налын. А Наталья Семёнова тиде кужытымак 2 минутат 36 секунд утла эртымыж дене ший медальын озаже лийын. Кокымшо вер дене тыгак Анастасия Сидоркина (ПОДА, S 10 класс) палемдалтын.

Ушештарена, Марий Элын командыштыже Йошкар-Ола, Советский, Морко да Кужэҥер районла гыч – 51 еҥ. Тушечын 38 спортсмен, 11 судья, икте ужатен коштыктышо. Командым Игорь Печенин вуйлата.

А.Байкова

Опубликовать в Одноклассники

Добавить комментарий