Май тӱҥалтыште военно-патриотический клубыш коштшо кадет-юнармеец-влак Куяр посёлко воктене «Разведчик-2019» полевой лагерьыште лийыныт. Провой кундемысе Поянсола ял гыч кадет-влак икымше верыш лектыныт.
– Тыгай мероприятий кажне ийын лиеш. Таҥасымаш чодыраште кум кече шуйна эртаралтеш. Участник-влак теният мӧҥгышкышт сай шарнымаш дене пӧртылыныт. Лагерьыште рвезе-влак илышыште вашлиялтше тӱрлӧ чаракым сеҥен лекташ тунемыт. Тӱҥжӧ – военный пашалан, спецназовец лияш ямдылалтыт, – манеш Звенигово районысо «Алмаз» военно-патриотический клубын вуйлатышыже А.Щербаков. – Тыге рвезе-влак шкеныштым ончылгоч салтак илышлан ямдылат, писылыкым, чулымлыкым вияҥдат, патыр лийыт, икте-весылан полшаш тунемыт.
Тений «Тропа мужества» военно-прикладной таҥасымаште Павел Васильев ден Илья Кузьмин ойыртемалтыныт. «Алмаз» клублан кубок ден Чап грамотым кучыктеныт. Нуно тыгак «Готов к труду и обороне!» социальный проектыш ушненыт.
Е.Эшкинина.