Нижегородский областьыште «Гвардеец-1» оборонно-спортивный тазаҥдыме лагерь пашам ышта. Тыгай сынан лагерь 2013 ийыште стартым налын.
Тудо кок смене дене эрта. Икымшыже 9 гыч 26 июнь марте гын, кокымшыжо 30 июнь гыч 17 июль марте лиеш. Тушто 8-11 класслаште тунемше-влак «армейский» школым эртат.
«Гвардеец-1» ОСОЛ-ышто, икымше сменыште, чылаже 9 команде лийын. Марий Элын командыже 2-шо верым налын. Тыгак посна таҥасымашлаште призёр радамыш логалыныт. Мутлан, «Великие полководцы России» (кокымшо), «Ратные страницы истории» (икымше), «Метание кошки на дальность» (икымше), «Пожарная безопасность» (кумшо), «Медицина» (кокымшо), «Боевой листок» (кумшо) конкурслаште. рвезе-влак эше боевой оружий гыч лӱйкалымаште кумшо верыш лектыныт.
Е.ЭШКИНИНА.
