СОЦИАЛ ИЛЫШ

Еш – эн кугу поянлык

Тидын шотышто нигӧат ӱчашен огеш керт, шонем. Самырык еш-влакын неле илышыштат шуко шочшан лияш кумылан улмышт куандарыде огеш кодо.

Кужэҥер районысо Калыклан социальный полышым пуымо рӱдерыште шуко шочшан еш-влаклан удостоверенийым торжественно кучыктеныт. Кугу Тумньымучаш ял гыч Марина Юнусова, Кужэҥер посёлко гыч Светлана Иванова да Шорсола ял гыч Ирина Милютина закон почеш шуко шочшан ава лийыныт. Нунылан саламлыме да тыланыме мутым Калыклан социальный полышым пуымо рӱдерым вуйлатыше, Кужэҥер районысо Россий ӱдырамаш ушемын председательже Е.Мочалова ден загс пӧлкам вуйлатыше Н.Дудина ойленыт.

Таче Кужэҥер районышто шуко шочшан 241 еш ила.

М.ИВАНОВА.

Опубликовать в Одноклассники

Добавить комментарий