12 апрельыште Йошкар-Олаште «Гагарин семын шыргыж курж» 5 километрыш куржталмаш лиеш.
Тушко кумылан-влак ушнен кертыт, но ончылгоч йодмашым пуыман. 16 ияш деч изирак-влакын ача-аваштын кидпалым пыштыман кагаз лийшаш. Регистрацийым куржталме кечын 18 гыч 19.30 шагат марте эртыман, тидын годым медсправкым ончыктыман. Спорт пайремым В.И.Ленин лӱмеш ДК Йошкар-Ола администрацийын физкультур, спорт да молодёжь политике управленийже ден куржталаш йӧратыше-влакын «Айвика» клубышт дене пырля эртара.
Л.СЕМЕНОВА
