УВЕР ЙОГЫН

Вӱд деч посна…

Звенигово олаште илыше-влакын чытышыштлан ӧраш гына кодеш: мутышт почеш, июнь мучаште шуко уремыште вӱд эсогыл вич кече лийын огыл!
Вӱдым налме сооруженийым вӱдым погышо таве, шапашлыме резервуар да насос группо гыч ыштыме. Насос дене тулен нӧлталме вӱд шапашлыме резервуарыш логалеш да ситышын погынымекыже гына магистральный оласе сетьыш кая.
Звенигово район администрацийын палдарымыж гыч, 29 июньышто вӱдым погышо тавыште кум насосым вашталтыме да 21 шагатлан вӱдым ситарыме системысе давленийым нормыш кондымо. Но йӱдым вӱдым таве гыч резервуарыш тулымо сетьыште кугу аварий лийын, да оласе калык адакат вӱд деч посна кодын. «Звенигово оласе вӱд канал» МУП-ын пашаеҥже-влак аварийын тӱҥ амалжым кораҥденыт, но калык вӱдын пачер марте толын шудымыжлан але тудын изиш веле, але лавыран йогымыжлан садак вуйым шиеш.

М.ИВАНОВА

Опубликовать в Одноклассники

Добавить комментарий