УВЕР ЙОГЫН

Ветеран-влак ий еда шагалемыт

Марий Элыште илыше 5592 ветеран Россий президент Владимир Путин деч Кугу Отечественный сарыште сеҥымылан 74 ий темме дене саламлыме открыткым налын.

Регионыштына Президентын саламлымашыжым налше-влак кокла гыч шукынжо тылын труженикше улыт – 5307 еҥ, Кугу Отечественный сарын участникше ден ветеранже-влак моткоч шагалын кодыныт – 176 еҥ, «Жителю блокадного Ленинграда» знак дене палемдалтше – улыжат 20 еҥ.

Чаманен палемдыман, ветеран-влакын спискышт ий еда кӱчыкемын толеш. Ӱмашсе тыгаяк жап дене таҥастарымаште сарын участникше ден тылын труженикше-влак 1258 еҥлан шагалемыныт. Эн шуко ветеран Йошкар-Олаште ила – 2050 еҥ, эн шагал, 106 еҥ, – Килемар районышто.

Россий Пенсий фондын Марий Элысе пӧлкаже Кугу Отечественный сарын участникше ден тылын труженикше-влакын спискыштым «ФР-Ветераны» программно-технический комплекс полшымо дене 2002 ий гыч чумыра да Россий Федераций президентын администрацийышкыже колта. Информационный ресурсышто нине граждан-влакын пенсий обеспеченийышт да социальный полышым пуымо мера-влак нерген чыла увер тичмашын уло.

М.ИВАНОВА

Опубликовать в Одноклассники

Добавить комментарий