Килемар районысо Визимйӓр посёлкышто Йошкар-Оласе да Марий митрополит Иоанннын благословенийже почеш у черке приход ышталтшаш.
Кызытеш тушто илыше калык ты шотышто кок гана погынен да пунчалым луктын: у приход «Умиление» Юмо Ава лӱмеш лиеш. Черке приходын советшым, храмым чоҥымо верым, старостам палемденыт. У черкыже пу гыч лиеш да верысе участковый эмлымвер деч тораште огыл верланышаш. Кызытеш тидлан кӱлеш юридический документ-влакым оформитлыме пашам ворандарат. Тыгак черкын проектшым ямдылат да тидлан шийвундым погат.
С.Носова.
