27 июнь гыч 4 июль марте Марий Элыште самырык педагог да нунын туныктышыштлан регион-влак кокласе «Таир-2019» X форум лиеш. Тений тудо «Образованийыште цифровизаций: йодмашыже, тачысе сӱрет..» маналтеш.
Мероприятийын тӱҥ шонымашыже – образований системыште пашам ышташ утларак шуко педагогым кумылаҥдаш, туныктышо-шамычын профессионал мастарлыкыштым вияҥдаш, самырык тукымым чолга лияш тараташ.
Индешымше гана эртаралтше форум Российын 30-40 субъектше гыч 200 утла еҥым уша да социальный могырым кӱлешан проектлан шотлалтеш.
Меропрятий 27 июньышто 14 шагатлан почылтеш. Торжественный татыште Марий Эл Правительстве председательын икмыше алмаштышыже М.Васютин, Образованийын общероссийский профсоюзшын Марий республикысе организацийжын председательже Л.Пуртова, образований да науко министрын алмаштышыже А.Сагадуллина да молат лийыт.
Г,КОЖЕВНИКОВА
