Марий калыкын Агавайрем кумалтышыже тений икымше гана онлайн йӧн дене лиеш.
Шошым, мланде пашам мучашлымеке, марий калык ожнысекак Агавайремым эртара. Шнуй отышко лектын, Пӱртӱс Юмо деч сай игечым, умен шочшо шурным, тазалыкым, вийым йодеш.
Йошкар-Ола воктенысе Тумер отышто эртыше пайремым «Марий Эл Телерадио» телеканал вияш трансляций дене ончыкта. Тудым 14 июньышто 9 гыч 11 шагат марте «МЭТР» телеканалын эфирыштыже (21-ше кнопко) да metr12.ru сайтыштыже ончаш лиеш.
А.БАЙКОВА
