Илалше ава ден ача шке шочшышт деч алимиентым тӱлаш йодын кертыт мо?
Н.Васильев.
Йошкар-Ола.
Йодышлан Йошкар-Ола прокурорын алмаштышыже Виктор Птицын вашештен:
— Кертыт, но эреж годым огыл. Пашам ыштен кертше икшыве-влак пашам ыштен кертддыме ача-аваштым ончышаш улыт. Ача-ава ден икшыве-влак коклаште алмиентым тӱлымӧ нерген ойпидыш ышталтын огыл гын, тидым суд гочат ышташ лиеш. Кажне икшыве деч кӱрын лукмо алмиент окса кугытым суд раш палемда. Тидын годым икшыве да тыгак ача-ава-влакынат материальный да еш положенийыштым шотыш налыт. Ача-ава-влак кажне але ик шочшышт деч алимиентым тӱлаш йодмым суд шотыш ок нал, пашам ыштен кертше кажне шочшылан тудым тулаш палемда. Но шке жапыштыже ава-ача-влак шке обязанностьыштым кӱлеш семын шукен огытыл гын, суд икшыве-влакым алмиентым тӱлымо деч утаренат кертеш. А ача-аван праваж деч посна кодымо ача-ава-влаклан икшыве-влак алиментым тӱлышаш огытыл.
С.Носова ямдылен.
