1941-1945 ийласе Кугу Отечественный сарыште сеҥымылан 73 ий темме лӱмеш военный пенсионер, отставкысе судья да Пенсий фондын обеспечиватлыме моло тӱшка еҥлан единовременный выплатым пуат. Ончылгоч шотлен лукмо почеш, тудым 102814 еҥ налын кертеш.
Россий Минтрудын ямдылыме проектшым нормативный акт-влак проектын федеральный порталышкыже вераҥдыме.
Единовременный выплатын кугытшо – 10 тӱжем теҥге. Тидлан чылаже 1034,68 миллион теҥге кӱлеш. Оксам федеральный бюджет гыч ойырат.
М.ИВАНОВА.
