Юл кундемысе федерал округын «Мы вместе» проект кышкарыштыже «ФормАРТ» фестиваль эрта. «Короновирус ваштареш кучедылше кажне айдемын акше» теман граффити-влак кызыт регионла мучко сӱретлалтыт.
Марий Эл гыч пурышо ныл паша кокла гыч федерал эксперт-влак Татьяна Белован «Планета» проектшым ойырен налыныт. Тыге Самырык тукым полатын пырдыжыштыже мландышар сӱрет «шочын».
Октябрьыште фестивальын официал сайтыштыже проектла верч йӱклымаш тӱҥалеш. Ме Татьяналан, да тудын полышкалыше рвезе-влак Виктор Губин ден Илья Беловлан, сеҥымашым тыланена.
О.МОШКИНА