Спортивный мероприятийыште лияш чаракым ыштыше административный наказаний уло мо? Уло гын, могай пагытылан тудым палемден кертыт?
Н.Шемарданов.
Йошкар-Ола.
Йодышлан Медведево районысо прокурорын кугурак полышкалышыже М.Егошин вашештен:
— РФ-н Административный правам пудыртымаш кодекс дене келшышын, официальный спорт мероприятийым эртарыме верлаште лачшымак официальный мерприятийым эртарыме кечын лияш чаракым ончаш толшо-влакын правилым пудртымыштлан палемден кертыт. Срокшо куд тылзе гыч шым ий марте лийын кертеш. Ты шотышто пунчалым судья луктеш.
Мом шотыш налман?
Мотоцикл але мопед дене вес еҥым шупшыктымо годым мом шотыш налаш кӱлеш?
Н.Черкасов.
Йошкар-Ола.
Йодышлан Медведево районысо прокурорын полышкалышыже С.Захарова вашештен:
– Корно движений правил-влак дене келшышын, мотоциклым виктарышын «А» категориан але «А1» подкатегориян транспорт средствым виктараш кок але утларак ийлан водительский удостоверенийже лийшаш. Мопедым виктарышын кеч-могай категориян але подкатегориан транспорт средствым виктараш кок але утларак ийлан удостоверенийже лийшаш.
Шке шижтарет гын…
Титакым ыштыше еҥ полицийыш тидын нерген шкак шижтара гын, тудым мут кучаш шогалтыде кодат мо?
А.Чендемеров
Медведево район.
Йодышлан Медведево районысо прокурорын полышкалышыже О.Лесовщикова вашештен:
— РФ Уголовно-процессуальный кодексын 14-ше статяж дене келшышын, гражданин преступленийже нерген полицийыш шке увертара гын, тиде тудым мут кучаш шогалташ негыз лиеш. Но шкежак тидын нерген увертарен гын, уголовно мут кучаш шогалтыме ответственностьым лушкыдемден кертыт. Тыгодым теве мом шотыш налыт – кунам граджданин лачшымак пресутпленийым ыштыме нерген шижтарен: заявленийыште ончыктымо преступлений почеш преступленийым ыштыше еҥым рашемдыме огыллан кӧра эше уголовный дела тарваталтын огыл; але преступленийым ыштыше лицам рашемдыме гынат, тудын дене следственный действийым эртараш йӧн лийын огыл.
Преступлений ышталтмеке, ты еҥым улшо доказательстве почеш подозреваемый семын кучымо гын, але конкретный еҥ шотышто уголовный делам тарватыме, але лица следствий да суд деч шылын коштын гын, полицийыш преступлений нерген шке кумылын увертарымылан ок шотлалт.
Преступлений нерген шке кумылын увертарыше еҥ тидым кагазыш возен пуэн але тыглай каласен кертеш. Тыгай ошкылжым, кӱлеш гын, суд гоч рашемдат да преступленийым почаш полшышо негызлан шотлен кертыт. Преступлений нерген шке кумылын толын шижтарыме годым наказанийым палемдыме посна правил Уголовный кодексын 10-шо главаштыже пеҥгыдемдалтын.
С.Носова ямдылен
