Азалан лӱмым пуымо годым шонымо семынжак ышташ огеш лий маныт? Чын мо?
А.Николаева
Советский район.
Йодышлан Медведево районысо прокурорын полышкалышыже О.Г.Лесовщикова вашештен:
— 2017 ий майыште «Граждан состояний акт-влак нерген» федеральный законын 18-ше статьяшкыже вашталтышым пуртеныт. Тудын дене келшышын палемдалтын: ача-ава азалан лӱмым пуымо годым лӱмыштӧ цифрым, буква-цифрым, числительныйым, буква пале улшо огыл символым кучылт огыт керт. Исключений семын «дефис» лийын кертеш. Тыгак туманлыме шомак, рангым, должностьым, титулым ончыктышо комбинаций лийшаш огытыл. Тыгай лӱм-влакым ЗАГС орган-влалан регистриоватлаш чарыме.
Тыгак ача-ава-влакын фамилийышт тӱрло гын, коклаштышт мутланен келшымышт почеш, икшывылан ачан, аван але когынекштынат ушымо (кеч- могай радам дене) фамилий-влакым пуаш лиеш. Ача-аван иктыш ушымо тыгай фамилий дефис дене ушымо кок шомак гыч шогышаш.
С.НОСОВА
