УВЕР ЙОГЫН

Марий ӱдыр шӱдӧ тӱжемым сеҥен налын!

14 июльышто Крымыште тӱвыра да сымыктыш аланыште чолга самырык еҥ-влаклан эртаралтше «Таврида 5.0» форумын 9-ше сменыжым мучашленыт. Тушто грант куонкурсышто сеҥыше-влакым палемденыт.

Сеҥыше-влак коклаш Марий Эл гыч Дана Литвиноват логалын. Конкурсышто Дана «Икымше марий сӱретче» проект дене палдарен да тудым илышыш шыҥдараш 100 тӱжем теҥгем сеҥен налын.

— Проект Йошкар-Олаште илыше самырык-влакым икымше марий сӱретче- ӱдырамаш Елизавета Дмитриевна Атлашкина дене палымым ышташ да тидын гоч нуным шочмо калыкнан тӱвыражлан, йӱлажлан шӱмаҥдаш ышталтын, — ойлен Дана.

19 ияш Д.Литвинова Йошкар-Оласе художественный училищыште «Живопись» специальностьым налаш ямдылалтеш.

Палемдыман, «Контемпорари-арт» сменыште грантым налаш конкурсыш 82 йодмаш пурен. Тушечын 16 еҥ сеҥышыш лектын, проект-влаклан 6 миллион теҥге ойыралтын.

А.Байкова 

   

Опубликовать в Одноклассники

Добавить комментарий