Свердловск областьысе Кокла Уралын традиционный калык тӱвыра рӱдерже «Образы народов Урала» фотоконкурс-акцийым увертарен.
Тушко марий калык йӱла, чием дене палдарыше фотограф-шамычат ушненыт. Мутлан, Светлана Михайлова Ачит район Карши ял гыч ик самырык
марий мужыр дене палдара. Фотосӱретым нунын сӱан кечынышт ыштыме, вургемышт гычат марий улмыштым вигак умылаш лиеш. Фотопаша тусо марий-влакын сӱан йӱлашт — «вуй пӱтырымаш» — дене палдара. Туштат сӱан кечын марлан кайыше ӱдыр вуйчиемжым ӱдырамашынлан вашталта.
Ты авторынак марий вургемым чийыше вес ӱдырамашымат конкурс паша коклаште ужаш лиеш. А эше ик фото дене Тамара Костина, Вадим Малышев темленыт.
Марий-влак дене палдарыше участник-влаклан йӱклаш шонеда гын, тидым тыгай адрес дене ыштен кертыда: https://vk.com/album-26504128_273831282.
С.НОСОВА
