Медицине
Кушто – чапле хоспис, а кушто…
Российыште паллиативный полышым пуымо йодыш моткоч пӱсын шога: элыштына ий еда 300 тӱжем наре еҥ онкологий чер деч кола, нунын кокла гыч 75 процентшылан лачшымак тыгай полыш кӱлеш. Чаманен палемдыман, элыштына эмлаш лийдыме черле-влаклан паллиативный полышым пуымо паша моткоч начарын кая. Примерлан торашке коштмо огеш кӱл: Марий Элыште Азаново участковый эмлымверын базыштыже кугыеҥ-влаклан тыгай профилян улыжат 22 койко уло, икшыве-шамычлан Республикысе йоча клинический эмлымверыште 3 койкым ойырымо. А паллиативный полыш ӱмаште гына 1969 еҥлан кӱлын!
Черле-влакым у семын эмлыме, корштымым лыпландарыме йӧн, пытартыш жапыште лукмо препарат нерген вуйлатыше-влак чарныде гаяк мутланат гынат, сӱрет садак огеш куандаре.
М.ИВАНОВА.
