УВЕР ЙОГЫН

Кандаш еҥ черланен

Роспотребнадзорын Марий Элысе виктемжын увертарымыж почеш, 2018-2019 ийласе эпидсезонын сентябрь-декабрь жапыштыже республикыштына грипп дене черланыше лийын огыл. Гонконг грипп (А(H3N2) дене черланыме икымше кок случайым январьыште регистрироватлыме. Кодшо арнян эше куд еҥ черланен, тышечын визытынже – Гонконг грипп дене, икте – «сӧсна» грипп (А(H1N1)pdm09) дене.

Черланыше коклаште – вич йоча да кум кугыеҥ, нунын кокла гыч иктыжат грипп деч прививкым ыштыктен огыл.

М.ИВАНОВА.

Опубликовать в Одноклассники

Добавить комментарий