Кодшо шочмын Крым Республикыште Йошкар-Ола ден Симферополь коклаште илышын тӱрлӧ шӧрынжым вияҥдыме шотышто соглашениеш кидпалым пыштыме торжественный церемоний лийын.
Йошкар-Олам вуйлатыше Александр Принцев ден Симферопольым вуйлатыше Виктор Агеев кок республикын экономикыште да промышленностьышто ойыртемышт нерген палдареныт. Тылеч посна кок олан вуйлатышышт муниципалитет-влак коклаште пашам келшен ыштыме да тӱнямбал кӱкшытан кылын шерге улмыжым палемденыт.
А.Принцевын мутшо почеш, кок рӱдола коклаште соглашенийым ыштымаш инфраструктурым, культурым да образованийым вияҥдымаште тӱшка проектым да программым ямдылаш полшышаш.
А.АНДРЕЕВ
