Шуко пачашан пӧртышто илем. Пошкудо-влак тӱшкан пайдаланыме коридорым тор дене теменыт. Кузе нуным мут кучаш шогалташ лиеш?
Н.Васильев.
Медведево посёлко.
Йодышлан Медведево районысо прокурорын полышкалышыже В.В.Ашихимина вашештен:
— Калыкын санитарно-эпидемиологический да гигиене нормативыштым шуктыдымо-влакым РФ-н Административный кодексше дене келшышын, административно мут кучаш шогалтен кертыт.
Наказаний семын шижтарат але граждан-влаклан 100 гыч 500 теҥге марте штрафым, должностной лицалан 500 гыч 1 тӱжем теҥге марте, юридический лица деч посна предприниматель пашам шуктышылан 500 гыч 1 тужем теҥге марте але 900 сутка марте пашам ышташ чарен, юридический лицалан 10 тӱжем гыч 20 тӱжем теҥге марте але тыгак 900 сутка марте пашам ышташ чарен керыт. Тидын шотышто йодмаш дене Потребитель-влакын праваштым аралыме да айдемын благополучийже шотышто сферым тергыше федеральный службыш (Роспотребнадзор) лекман. Тудак административный правонарушений шотышто делам тарватышаш.
С.Носова
