Звенигово олаште, тӱвыра да каныме «Мечта» районысо рӱдерыште «Супер кова» конкурс лиеш. Тудо Илалше-влакын кечыштлан пӧлеклалтеш да 28 сентябрьыште эрта.
Конкурсышто кова-влак эн ончычак кажныже мо шотышто уста улмыж дене палдарат, вара тӱрлӧ йодышлан вашештат. А эше ик таҥасымашыже – секретан. Мероприятийым эртарыше-влак тудын нерген ончылгоч лӱмынак огыт палдаре. Манмыла, сюрприз лиеш.
Л.Камалетдинова.
