Марий Эл гыч 18 еҥ «Гвардеец-1» юнармий оборонно-спортивный лагерьыште военный паша дене палыме лийын. Кокымшо смене Кстово олаште (Нижегородский область) 19 июль марте шуйна.
Кум арняште Юл кундем федерал округын шым регионжо гыч мийыше рвезе-влак боевой, строевой, тактический, огневой да инженерный ямдылалтмашым эртареныт. Опытан офицер, сержант-шамычын вуйлатымышт почеш, нуно пулемётын, автоматын, пистолетын кузе ышталтмыжым пален налыныт. Икманаш, тушто юнармеец-влакым сарзе пашалан туныктеныт.
Россий ДОСААФ-ын Нижегородский областьысе отделенийже лагерьысе участник-влак коклаште лӱйылтмаш дене та ҥасымашым эртарен. Тушто Марий Эл гыч команде кӱкшє результатым ончыктен. Мутлан, рвезе-шамыч икымше медицине полышым пуымаште ончыко лектыныт. «Самырык пожарный» («гвардеец-влаклан» моткоч писын пожарный экипировкым чийыман), «Российын полководецше-влак» конкурслаште республикна гыч рвезе-влак кокымшо верым налыныт. Теве пневматический винтовко гыч лӱйылтмаште Волжский районысо Шарача кыдалаш школын тунемшыже Артём Янцитов эн туран лӱйылтшє лийын.
Программыш культур мероприятият пурталтын.
«Гвардеец – 1» юнармий сменыш Юл кундем федерал округын 7 регионжо ушнен. Марий Элын командышкыже 4 район, кум ола гыч икшыве-влакым налыныт.
Е.Эшкинина.
