«Мўндыр ял» проект илышыш шыҥдаралтеш. Икмыняр районышто тора яллаште илыше пенсионер-влаклан республикыште Эл милосердий сестра-шамыч кочкыш сату наборым пуэдат, а священник-влак нунын чоныштым лыпландараш полшат.
Тиде проект тений июль тылзыште илышыш шыҥдаралташ тўҥалын. Тунам пашаче группо (иерей Алексий Михеев, Йошкар-Оласе милосердий сестра Галина Ефремова да епархийысе социал служений гыч Наталья Блинова ден Наталья Васенева) Оршанке район Кугу Кугланур ялыште лийын.
Тыгаяк шонымаш дене шукерте огыл православный группо У Торъял районысо Маркелово ялыш миен. Ты гана тушто медицине пашаеҥ-влак лийыныт. Нуно еҥ-влакын тазалыкыштым тергеныт, а отец Алексий илалше-влаклан молебеным эртарен.
Лишыл жапыште шўм-чоным лыпландарыме, социал да медицине полыш проект дене Курыкмарий, Медведево, У Торъял, Марий Турек, Оршанке районлашке лекшаш улыт.
Е.Эшкинина.
