Марий Турек район Арбор кундемыште мини-футбол дене черетан турнирыш 10 команде ушнен. Верысе команде-влак дене пырля Татарстан гыч «Ципья» сборный таҥасен.
Кумшо вер верч тӱҥ модмаште сеҥыше палемдалтын огыл. Пенальтиште пиал «Арбор» командылан шыргыжалын. Тудо «АвтоПрофи» сборныйым 3: 2 счёт дене сеҥен. Чемпион – БЭГи3» команде (6:3). Ончыко лекшаш верч путырак оҥай таҥасымаш лийын.
Турнирыште эн сай модшо – И.Михайлов («БЭГи3»), эн сай нападающий – Д.Бирюков («Олор»), эн сай защитник А.Семёнов («Арбор»), эн сай капка орол – А.Иванов («БЭГи3»), эн самырык модшо – Р.Шарафиев («АвтоПрофи»).
Латкум турнирыште Олор ялын футболистше-влак ныл гана кумшо, кок гана кокымшо, ик гана икымше лийыныт.
Кунам гын эше «шӧртньӧ» идалык лиеш?
